Wiiter zum April-Juni.

Die erstä paar Täg zrugg ih de Bay und die Ziit wo de Fäbe 24/7 gschaffet het zum de Deal durezbringe :) Zum erstä mal da ih de USA e Wohnig wo unmöbiliert gsi isch und drum NÜT drin gha het^^ Mer hend drum nachem Redeye Flug nach SFO es Auto gmietet und de Fritig und Samstig ih de IKEA, im Walmart und im Target verbracht. Am Sunntig denn no für Ässe in Costco und als Belohnig simmer no uf Pacifica am Fäbe sini Lieblings-Pancakes go ässe. Ufem Weg det ane hemmer no eusi ersti Begägnig mitem Karl gha (haha, wer weiss no wer das isch? :P) De Rest vode Wuche hemmer denn ihgrichtet, no meh fählendi Sache go poste und d'Gägend chli uskundschaftet. 
Isch würkli schön da und ä mit de Wohnig simmer meh als happy! Chömed denn Föteli im nächste Biitrag :) 

Die letstä paar Wuche in Hawai'i. Isch eus biz schwär gfalle zums richtig chönne gnüsse us verschiedene Gründ; de Fäbe het viel müsse schaffe, s'Auto hemmer scho ganz ahfangs März verchauft, s'Airbnb womer übergangswiis drin gsi sind isch nume sehr medium gsi, und mer hend no biz Stress gah mit neuer Wohnig sueche usw. 

D'Rahel & de Jake hend eus di letste paar Tääg aber nomal so richtig zeigt, was mer ah dem hübsche Ort uf Erdä werded vermisse; Sunneschii, warms schöns Meer, gueti Seven Brothers Burger UND natürli vorallem sie beidi! Sie sind eus ih dene 8 Mönet sehr as Herz gwachse und hend dezue biitreit, dasmer eus vo ahfang ah wie dehei gfühlt hend! Danke für alles ihr zwei <3

E Wuche für eus zwei und denn hämmer für e Wuche de Stüssi dörfe gnüsse, wo uf sim Heiweg vonere Reis no en Stop in Hawaii ihgleit hät <3 Perfekte Zügelbuddy ;)

D'Laura isch z'Bsuech <3 Viel undernoh ih dere Ziit, sogar Inselhopping. Zerst simmer uf Big Island und denn no es Wuchenend uf Maui :-) Ih de Zwüscheziit viel drüber brainstormed wasmer chönd mache, wemmer am 15. Februar zude Wohnig münd use...

Soo, entli wagi mi mal wieder anen Blog ane. Viel isch gange bi eus ih de letstä Ziit und sit mer de letstä Bilder ufegladet hend (ez isch de 24. März). Di folgende Bilder wärded deshalb chli komprimiert cho und vorallem wie immer d'Highlights usepickt. :P Alltagsfotis mache simmer am Schluss uf Hawaii nüm so guet gsi. Aber eis nachem andere :)

Biz fuul is Jahr gstartet im Thema Bilder :)